മരണമെത്തും നേരത്ത്

ഞാൻ മരിച്ചു കിടക്കുമ്പോൾ
എന്തിനാണ് പുതിയ ഉടുപ്പും ഷൂസും ധരിപ്പിച്ചത്

എന്തിനാണെന്നെ ഈ മരവിച്ച ഐസ് പെട്ടിയിൽ
കിടത്തിയിരിക്കുന്നത്

നിങ്ങൾ എന്തിനാണ് എന്റെ മൃതദേഹത്തിനടുത്ത്
നിന്ന് ഫോട്ടോ എടുക്കുന്നത്

ഇനി എന്തിനാണെനിക്കീ പൂക്കളും ചന്ദന സുഗന്ധവും
എന്നെ കുഴിയിലേക്കെടുക്കുക

പ്രദർശനം നിറുത്തുക
എന്നെയോർത്തു നിങ്ങൾ വിലപിക്കുന്നതെന്തിന്

ഞാൻ ഈ ശരീരമല്ല, മനസ്സല്ല,  ബുദ്ധിയുമല്ല
ഞാൻ ആത്മാവത്രേ

ഓർക്കുക ആത്മാവിനു മരണമില്ല
എനിക്കും ...............